بۆپاراستنی پیرۆزی پێشمەرگەو ستایشکردنی لەخەبات وتێکۆشان وکوردایەتی، کۆمیتەی ئەڵمانیای کۆمەڵەی پێشمەرگەدێرینەکانی کوردستان بەئامادەبونی ژمارەیەکی زۆر لەئەندامان وژمارەیەک کەسایەتی تێکۆشەرو دڵسۆزوکادیرانی ێکخستن و چاالکوانانی ڕەوەندی کوردی لەئەڵمانیا، ڕێوڕەسمێکی ڕێزلێنانی بۆ ئەندامان وبنەماڵەمەی شەهیدان و تێکۆشەرانی ڕێگای کوردایەتی ڕێکخست. لەسەرەتای ڕێوڕەسمەکەدا بۆ ڕێزلینان لەگیانی پاکی شەهیدان ئامادەبوان بەدەم سرودی ئەی ڕەقیبەوە چەند ساتێک بەپێوەوەستان، دواتر لەالیەن "هاوڕێ کامەران" بەرپرسی کۆمیتەکەوە بەخێرهاتنی میوانەکان کراوئامانجی ڕێورەسمەکەی وەک هەوڵێکی بچوک دستنیشانکرد بۆ پاراستنی سەروەری نەبەردیەکانی ئەو پێشمەرگانەی کە سااڵنێکی دوورودرێژ لەسەنگەری مقاوەمەتی دژ بە ڕژێمی بەعس دەجەنگان وخوێنیان دەڕشت بۆ ئازادی وسەربەستی وڕزگار بونی خەڵکی کوردستان، ئەوەشی دوپاتکردەوە کە کۆمیەتەکەیان پشتوپەنای خەڵکی کورستان وهەموو هێزە نیشتیمانپەروەو خەباتگێڕەکانە بۆدەخوازیەکانی گەل وپاراستنی هەرێمی کوردستان لەدەست داعش وباشکردنی ڕەوشی سیاسی وکۆمەاڵیەتی وئابوری هەرێمی کوردستاندا. دوای ئەوەی "جەمیل هەورامی" ئەندامی سەرکردایەتی یەکێتی نیشتیمانی کوردستان وبەرپرسی کۆمەڵەی پێشمەرگەدێرینەکان لەپەیامێکی تەلەفۆنیدا سوپاسی ئەو پیاوە جوامێرو تێکۆشەرانەی کرد لە تاراوگەو لەخەباتی مۆدێرنی دەرەوەشدا لە خزمەت بەگەلەکەیان نەوەستاون وژمارەیەکی زۆریشیان هاتونەتەوە کوردستان ولەسەنگەری بەرگریدا بەشداریان کردوە، هەروەها تیشکی خستەسەر ڕەوشی سیاسی هەرێمی کوردستان هەوڵەکانی یەکێتی نیشتیمانی کوردستان بۆ هێورکردنەوەی بارەکەو دەستپێکردنەوەی گفتوگۆکانی ئاشتی نێوان الیەنەکان وبەرقەراکردنی پرۆسەی سیاسی ولەدوایشدا هەوڵدان بۆ نەهێشتنی قەیرانی دارایی وباشکردنی ژیان وگوزەرانی هاواڵتیان. پاشان " هەڵۆ پێنجوینی" ئەندامی سەرکردایەتی یەکێتی نیشتیمانی کوردستان کەبەسەردانێک لەئەڵمانیایە بەشداری ئەو ڕێوەرەسمەی کردو لە وتەیەکیدا تیشکی خستە سەر سەرکەوتنەکانی هێزی پیشمەرگە لەشەڕی بەرەنگاری داعش ودەڕپەراندنیان لە خاکی کوردستان وئازادکردنی موسڵ وجەلەوالو پاراستنی هەرێمی کوردستان. لەدوی ریوڕەسمی وتار خوێندنەوە دەستکرا بە لەالیەن بەرپرسی لقی هەندەرانی کۆمەڵەکەو بەرپرسی کۆمیتەو کەسانی تێکۆشەر خەاڵت ومەدالیای ڕێزلینان بەخشرایە ئەندامانی کۆمیتەو چەندین خەڵکی دڵسۆزو نوێنەرانی بنەماڵەشەهیدان وکەسایەتیە نیشتیمانپەرەوەرەکان. گۆرانیبێژی پێشمەرگە هونەرمەند "بەکری لەگزی" بەپەیڤێک بۆ هاوڕێیانی پێشمەرگەو سرودێکی نیشتیمانی بەشداری ئەو بۆنەیەی کرد لەنێوچەپڵەڕێزانی ئامادەبواندا کۆڕەکەی پڕ جۆش وخرۆشترکرد. کادیرانی کەرتی ڕێکخستنی شاری بۆن لەئۆرگانیزەکردن وبەڕێوەبردنی ئەو مەراسیمەدا ڕۆڵی بەرچاو وکارایان بینی وئامادەیی خۆشیان دەربڕی لەهەماهەنگی هەر چاالکیەکی پێشمەرگەدێرینەکان. لەو رێوڕەسمە شایستەدا ساڵو بۆ یەکەمین سەرکردەی شۆڕشی نوێی گەلەکەمان، ڕابەری کوردایەتی سەرۆک مامجەالل نێردراو هیوای تەندروستی باشیان بۆخواست، هەورەها چەندین سرودو شیعری جوان بە پیاهەڵدانی پێشمەرگەو خەباتی نەپساوەی لەپێناو کوردایەتی وئازادی ودیموکراسی پێشکەشکران، لەکۆتاییدا ئامادەبوان پشتیوانی خۆیان بۆ پێشمەرگەکانی سەنگەر ئەوانەی لەسەر سنورەکانی هێڵی تەماس لەگەڵ داعشدا شەووڕۆژیان خستۆتەسەریەک بۆ پاراستنی کوردستان لەدەستی ڕەشی تیرۆر دوپاتکردەوەو ئامادەیی هەموو جۆرە هەماهەنگی وهاوکاریەکی خۆیان ڕاگەیاند بۆگەڕانەوەی ئاشتەوایی نیشتیمان و چارەسەرکردنی وەزعی ناوەخۆی هەرێمی کوردستان. ڕاگەیاندنی کۆمیتەی ئەڵمانیای پێشمەرگەدێرینەکان

[/pb_text][/pb_column][/pb_row]