لە سەربانگێشتی گروپی موزیکی شۆڕش لە هۆڵەندا بۆ رێزلێنان لە شەهیدان و یەکەمین هاوڕێی شەهید پێشمەرگەی دێرینە .

داوا کرا لە کۆمیتەی هٶلندای پێشمەرگە دێرینەکان پێکەوە سەرلەنوێ سروودی ئەی شەهیدان تۆماربکەنەوە.

بەرواری (2016-12-04) لە شاری ئەمستردام.

پێشمەرگە دێرینەکان بە جل و بەرگی کوردی و بە خێزانی بە هەستێکی زۆر بەرپرسیاریانەوە ئامادەی تۆمار کردنەکە بووین وەک کۆرس بەشداریمان کرد.

جێگەی رەزامەندی گروپی موزیکی شۆرش بوو زۆرخۆشحالی خۆیان نیشاندا کە بەم هەستە جوانەوە لە ووتنەوەی سروودەکەدا سەرکەوتوبوین.

پاشان خەلاتی ڕێز لێنانی کۆمیتەی پێشمەرگە دێرینەکان لە لایەن پێشمەرگەکانەوە درایە بەڕیز مامۆستا شۆرش و ئەندامانی گروپی موزیکی شۆڕش.

گولی ڕێز لێنانی پێشمەرگە دێرینەکان لەلایەن بەرپرسی لیژنەی ئەمستردامەوە هەڤاڵ ( ئاری فارس ) درایە مامۆستا شۆڕش.

هەروەها کادر و پێشمەرگەی دێرین هەڤال ( نەورۆز زرگوێزی) گولی ڕیز و پیزانینی بۆ گروپی موزیك پێشکەش کرد.

پاشان بەڕیز خاتو ( خۆراسان ) هاوسەری پێشمەرگەی دێرین (نەورۆز زرگوێزی) چەپکە گولی ڕێز و ماندوو بونی پێشکەش بە سەرۆکی کۆمیتەی پێشمەرگە دێرینەکان هەڤال ( ئەکرەم محمدئەمین ) کرد،

زۆر سوپاس و دەست خۆشیمان بۆ بەڕێزیان

هەروەکو نەریتێکی کوردەواری لە دوایدا دەست کرا بە ئێوارە خوانێك و بە دلی خۆشەوە بە کۆمەل کارەکانمان کۆتا پێ هێنا .

سوپاس و پێزانین بۆ گروپی موزیکی شۆڕش و هیوای سەرکەوتنیان بۆ ئەخوازین.

شەرەفی ئەوەیان پێ بەخشین جارێکی تر بە شێوازی هونەری لە خزمەتی گەورەیی و شکۆمەندی شەهیدە سەربەرزەکان بین، گیانی شەهیدان شاد بێت.

لەگەڵ ڕێز

                              لێپرسراوی کۆمیتەی هۆڵندای

                           کۆمەڵەی پێشمەرگە دێرینەکانی کوردستان

                              ئەکرەم محـمدئەمین ئەحمەد