نووسەرە کۆنەکان

نووسەرە کۆنەکان
×

Warning

Unable to find a user with the ID: 228

نووسەری دیکە

حوکمەتا نوو، پێتڤی ب چیە هەتا خەلكێ خوە رازیبکەت. . . . سەدیق سنداڤی

کێمبونا رێژەیا دەنگدەران د هلبژارتنێن ڤێ داویێ ین پەرلەمانێ کوردستانێ دا، ب گشتی نامەیەکا فشارێیە و زەنگەکا مەترسێێ یە، بو کابینا نو یا حوکمەتا هەرێما کوردستانێ داکو سوزێن خوە د دەربارێ چاکسازی و خزمەتگوزاریان دا ب تەمامی جهبەجهکە. کو بەلێ دەنگ ژمە و خزمەت ژ وە، لێ ئەگەر نە. رێکێن دی ێن قانونی دێ دینە بەر، هەروەسا دەرنگبونا چارەسەریەکا بنەرەتی یا کێشەیا گەندەلیێ ئالیکی دی ێێ ڤێ هەلوستێ یە. ئەڤەژی یا دیارە بو هەر خەمخورەکێ ڤی وەلاتی. سەرەرای کو کوردستان د کاودانکێ نازک و پری رودانێن جارەنڤس را بوری د دەمێ کابینا حکومەتا هەرێم کوردستانێ دا یا نها کو کار و ئەرکێ خوە ب ئاوایەکێ دەمکی ب رێڤە دبە، لێ پرانیا خەلکێ ئەڤ وەکی خوە مخابن لبەرچاڤ وەرنەگرت هەر وەکو هاتە هولێ د رێژەیا بەژداربونا دەنگدەران دا، ئەگەر بەراورد بێتەکرن د هلبژارتنێن بوریدا، ئەڤەژی مخابن سستیەکا سور سورە د هەستێ نەتەویدا و بلندراگرتنا بەرژەوندیێن بلند یێن ڤی وەلاتی، لەوما ژی پیتڤیە د ڤی واریدا لێکولین بینە ئەنجامدان و حکومەتا نوو نەکەڤە دبن بارێ دوبارەکرنا کێماسێن حکومەتا پێشین دا و ڤێ هەلوەێستا نەچێبیە لبەر چاڤان بگرە چارەسەریەکا ب بنەما بو گرێکان ببیەنە و رێکێ ڤەکە بو ئاستەکی دی یێ کاریگێر و ئەرێنی د بگرەوبكێشن بین و نە چاڤەرێکرێ دا.

سیاسەتا ناڤخوی یا هەر حکومەتەکا نوو بێتە دامەزراندن پێتڤیە ژ حکومەتا پێشین  جودا دارشتنەکا دی ب خوڤەبگرە و بهتر رێکخستی بە، و هەولبدە خوە نێزکی پرسگرێکن پێتڤی ێن خەلکێ بکە و چەرەسەرکرانەکا گونجای و بلەز ببینە. باشترە لگور کارنامە و پلانێن جور ب جور کارێ خوە ب رێڤە ببە، نەهێلە سستی بکەڤە جهبجهکرنا پروژا، داکو دووبارە هێزەکا دی بدە پیوندێن خەلکێ و دەستهەلاتێ. ئەڤە ژی وێ هیڤیان ب ئافرینە ژبو نە‌هێلانا گەندەلیێ و ب جهئینانا سوزان و د هەمان دەمدا ژی وێ ببە رێەکەکا ڤەوەژارتی ژبو بدستخستنا هەر ئارمانجەکا ڤی وەلاتی.

دەزگەهێن راگەهاندنێ پێتڤیە ب ئەرکێ خوە رابن و راستە راست خەلكێ ڤەگەرینن سەر رێکا دووبارە باوەریێ و جهبجه کرنا سوزێن هاتنە دان د دەربارێ چاکسازیان و دابینکرنا پێتڤێن خەلکێ دا. بێ گومان دەستنیشان کرنا هێژا کاک مەسرور بارزانی ژبو پێکئینانا حکومەتا نوو د جهێ خوەدابویە و هیڤیەکا دی د ناڤ خەلکێ کوردستانێ دا یا دروستکری ژبو نەهێلانا گەندەلیێ ژ رەهوریشالان و دابینکرنا پێتڤیان، و کەسێن هەژی ل جهێن کێرهاتی بێنە دەینان. ئەگەر ئەڤ یەک پێکهات دماوێ دەستەلاتیا حکومەتا نوودا، کو پارتی دیموکراتی کوردستان سەرکێشە، دێ بنە سەدەم کو ئومێدەکا مەزن بێتە چاڤەرێکرن کو خەلکێ کوردستانێ د هلبژارتنێن بین دا دەنگێ خوە ب ڕێژەیەکا زور بدەنە پارتی و هژمارا کورسیکێن خوە ئەڤ پارت بلندتر بکە و د ئالیەکی دی ژی دا ئەڤ یەک وێ ببە پالدانەکا دی ژبو خرخالێ ئاڤەدانیێ و ئارامیێ و پێشکەفتنا کوردستانێ و بدەستخستنا ئارمانجێن نەتەوی.

  1. 12. 2018

We have 72 guests and no members online

div { text-align:right; }