یا دیاره‌ ژ بو هه‌ر خه‌مخوره‌کێ کوردبونێ، کا رڤه‌ندا کورد ل ده‌رڤی وه‌لات د ده‌لیڤێن ته‌نگ و ئاسێ دا چه‌ند هاریکاربویه‌ ژ بو خه‌لکێ خوه‌ و چه‌وا لسه‌ر پیا بویه‌ دژی هه‌ر رودانه‌کا نه‌خوازیار کو ل کوردستانێ روبدت، ب ده‌ستێن نه‌حه‌زێن گه‌لێ کورد و ب چ ئاوا بشتگر و به‌ژدار بویه‌ د هه‌رپێنگاڤه‌کا ئاڤه‌دانیێ و گه‌شاتیا هاتیه‌ د هه‌بونێدا.رێکێن درێژ بو چه‌ند جارا ێن شه‌قاندین ژ بو به‌ژداربونا د پروسێسا هلبژارتنا دا و سه‌ر ئێخستنا لیستێن خومالی.ئه‌ڤه‌ هه‌می و ب ده‌هان ئه‌رینێن بنرخ ین رڤه‌ندا کورد ئه‌نجامدانه‌.هه‌ر ره‌ڤه‌نده‌کی کورد وه‌کی هه‌ر هه‌موه‌لاتیه‌کێ کوردستانێ چالاکبویه‌ د خزمه‌تکرنا گه‌ل و وه‌لاتێ خوه‌ دا.

لێ مخابن ئیرو ئه‌ڤ چه‌نده‌ وه‌کی پێتڤی به‌رچاڤ نائێته‌ وه‌رگرتن، ژ بال ده‌زگه‌هێن پیوندیدار ڤه‌ ل کوردستانێ و خه‌زمه‌تکا هه‌ژی نائێته‌ پێشکێشکرن.هه‌ر وه‌کی ڤه‌گه‌رێن وه‌لاتی ڤێ ئێکێ دئینن زمان، گازندێن مه‌زن هه‌نه‌ ژ کارگێریا نه‌ دئاست دا ل ده‌زگه‌هێن میری.ئه‌ڤه‌ژی دبن ئاسته‌نگ و پرسگرێک د رێکا ڤه‌گه‌ربونێ دا.ئه‌گه‌ر ئاکنجیبونا ره‌ڤه‌ندا کورد ل ده‌رڤی وه‌لات وه‌کی بهانه‌یه‌ک بێته‌ بکارئانین، ئه‌ڤه‌ دێ رێکێ لبه‌ر گه‌له‌ک پسیارا ڤه‌که‌، دێ ببه‌ بابه‌ته‌ک درێژ و مافێ هه‌ر رڤه‌نده‌کێ هه‌یه‌ کو ل گور یاسای داخازا قه‌ره‌بونێ بکه‌.یا پێتڤێه‌ رێخوه‌شی ژبو هه‌ر ڤه‌گه‌ره‌کێ بێته‌ ئه‌نجامدان و فه‌رمانگه‌هه‌کا تایبه‌ت ژبو ڤه‌گه‌ران بێته‌ دامه‌زراندن و هه‌ر داخازیه‌ک ل گور یاسای بێته‌ وه‌رگرتن و کار ژبو کرن.داکو جاڤلێکرنا ڤه‌گه‌ربونێ بگه‌ڤه‌ د دلێ هه‌ر ره‌ڤه‌نده‌کێ دا.

هه‌ر مشه‌ختیه‌کێ کورد ئه‌گه‌رێن خوه‌ هه‌بونه‌ ژ بو ڤه‌ده‌ربونێ و نشته‌جیهبونا وه‌لاتێن بیانی، هه‌ر وه‌لاته‌ک توشی قیرانێن سیاسی و ئابوری و خوه‌زای … هتد ین مه‌زن ببه‌، ڤه‌رێژ ژی وێ هه‌بن، ملله‌ت دێ توشی گه‌لگ ئاستنگا ببه‌ و نه‌خاسم ئه‌گه‌ر د وارێ سیاسی دا ناکوکێن ناڤخوی کاریساتێن مه‌زن بێنه‌ هولێ.ئه‌ڤه‌ دێ ببه‌ پالده‌ره‌کی هه‌ری بهێزکو مشه‌ختبون ده‌ستپێ بکه.بێ ڤیان خه‌لک وه‌لاتێ خوه‌ بهێله‌ و به‌رڤ خه‌ربیا بکه‌ڤه‌ رێ.هه‌لبه‌ت لێهلکه‌تنه‌کا هه‌ری دژواره‌ کو که‌سه‌ک ژ وارێ لێ هاتیه‌ دونیایێ و فه‌همابویه‌ ڤه‌ده‌ربه‌.

بلا نه‌ئێت ژبیرکرن کو ره‌ڤه‌ندا کورد ب گشتی یا تێگه‌هشتیه‌ ژ گه‌له‌ک ئالاڤێن ژیانا سه‌رده‌مانه‌ یا وه‌لاتێن پێشکه‌فتی ێن لێ ئاکنجی و ب جهئینانا یاسێن ڤان وه‌لاتان وه‌کی هه‌ر خوه‌جهه‌کێ شاره‌زایه‌، رێژیه‌کا نه‌کێم ژ که‌چ و کورێن ڤێ ره‌ڤه‌ندێ خودانێن باوه‌رنامێن هه‌ری بلندن و کارزانین هه‌ژینه‌ کو خزمه‌تا خه‌لكێ خوه‌ ل کوردستانێ بکن و به‌ژداربن د هه‌می پێتڤبونا دا.بلا ره‌ڤه‌ند کورد د پێشه‌روێدا ببه‌ کارگێرێ هه‌ر چالاک د وارێ ئاڤه‌دانیه‌کا به‌رده‌وام و پێشکه‌فتنه‌کا سه‌رده‌م دا.بێ گومان کوردستان ب همێزکرنا هه‌ر کورده‌کێ جوانه‌ و هه‌رده‌م دێ سه‌ربلند به‌.

01.05.2014 کیل ئه‌لمانیا