هۆڵه‌ندا: بابه‌ته‌کانی ڕۆژی 6-7-2007

لیستی هاوپشتیوانی بۆ زنجیره‌ درامای ئاریا ... لیستی دووه‌م وسێهه‌م ... ئاماده‌و كۆكردنه‌وه‌ی: ئاسۆ عوسمان – ستیڤان شه‌مزینانی*

ئه‌م هه‌موو ده‌به‌نگیه‌ چیه‌؟ وه‌ڵامێك بۆ فس پاڵه‌وانه‌كه‌ی ده‌رهێنه‌ری ئاریا ... رێبین هه‌ردی: من ده‌زانم ئه‌م فس فس پاڵه‌وانه‌ بۆ وا ده‌كات و به‌مكاره‌ش ده‌یه‌وێت چ ئاغایه‌كی رازیبكات. من ده‌زانم بازرگانیكردن به‌ دژایه‌تی ئیسلامه‌ سیاسیه‌وه‌، گوتارێكه‌ چ ناوه‌ندێكی حوكمڕانی باڵاده‌ست رازیده‌كات و ختوكه‌ی چ كه‌سانێك ده‌دات.

درامای ئاریا یان کات ‌به‌فیڕۆدان .... دارا ئه‌حمه‌د:  هه‌ندێک کات بیرده‌که‌مه‌وه گومانم له‌لا په‌یدا‌ده‌بێ درامای ئاریا به‌راستیی بڕیاری راگرتنی په‌خشکردنی درابێ و هیچ ده‌ستێکی ئه‌نقه‌ستی له‌پشته‌وه نه‌بێ - به‌ڵێ هێرشی هه‌ندێك پیاوی دینیی کۆنه‌په‌رستی ئیسلامیی بۆسه‌ر دراماکه شانۆگه‌ریی نییه‌و له سه‌کۆی په‌رستگاکانه‌وه ده‌ستیپێکرد

درامای ئاریا واقیعی کۆمه‌ڵگای کوردی‌یه یا دنیای نێو زه‌ینی ده‌رهێنه‌ر؟ ... ئاراز خدر: زۆربه‌ی فیلمه‌کانمان له هه‌وڵی به‌دناو کردن یا خۆشناو کردنی چین و توێژه‌کانی کۆمه‌ڵ دان. ئه‌وه‌ش له ئایدیۆلۆژی‌یه‌کی مارکسیستی‌یه‌وه دێ که به پێی چینی کۆمه‌ڵایه‌تی بڕیار له سه‌ر که‌سه‌کان ده‌دا. بۆ وێنه سه‌رجه‌م بۆرژوا به خراپ داده‌نێ و به گشتی کرێکار به باش ده‌زانێ.

به‌رله‌وه‌ی ئاریا ئابڕوی مه‌لابه‌رێ، کۆلکه مه‌لا ئابه‌ڕوی مه‌لای بردووه!!. ... نه‌جمه‌دین شێخ بزێنی: من له‌وتارێکی دیکه‌مدا، که‌له‌سه‌ر ماڵپه‌ڕی (کوردستاننێت) ی به‌ڕیز 29-6-به‌ڵاو کراوه‌ته‌وه ئاماژه‌م کردووه به‌وه‌ی، که‌زانایانی ڕاسته‌قینه‌ی به‌ڕێزی ئاینی، زۆر پیرۆزن و جێگه‌ی ڕێز لێنانن، هه‌روه‌ها لێره‌ش دوباره‌ی ئه‌که‌مه‌وه، که‌ ئه‌وچینه به‌درێژایی سه‌دان ساڵ له‌ناوچه‌که‌و له‌کوردستاندا، ببونه بنچینه‌ی خوێنده‌واری و زانستی

وه‌سفی پیاوانی رژێمی به‌عس چی بوو؟ ... ڕه‌حمان غریب: "ترسنۆك ولاواز، قومارچی، درۆزن و فێڵباز" هه‌ندێكن له‌ لیستی نازناوی ئه‌و كوردانه‌ی كه‌ تا ڕوخانی په‌یكه‌ره‌كه‌ی سه‌دام پۆلیسی نهێنی و جاسوس وپارێزه‌رو زوڕناژه‌نی رژێمه‌كه‌ی بوون. سه‌یره‌و هه‌ندێك جاریش جێگه‌ی گاڵته‌جاڕی و پیكه‌نینیشه‌، موسته‌شارو سه‌ره‌ك مه‌فرزه‌ی ئیستخبارات و فیدائیه‌كانی سه‌دام هه‌ر یه‌كێكیان سه‌دامیكی بچوك و لاسایكه‌ره‌وه‌ی ئه‌و بوون

من سه‌رم ده‌ێشێ ئه‌و قاچم ده‌به‌ستێ*... حیکمه‌ت مه‌عروف: گه‌ر زۆر نه‌یخه‌مه‌ قاڵبی سوبعه‌ته‌وه‌، ماوه‌یه‌كی تری پێبچێت، له‌وانه‌یه‌ له‌ ئێرانه‌وه‌ كه‌ره‌متوو و له‌ چینه‌وه‌ كڵاشی هه‌ورامی و له‌ ماچینه‌وه‌ كوڵه‌باڵمان بۆ بنێرن! ئێمه‌ توور و ته‌ڕه‌ماش و بزماری كه‌وشیشمان له‌ودیو سنووره‌كانه‌وه‌ بۆ دێ

کاکی پاسەوان... دوا بڕیار لای تۆیە؟... قادر قەرەداغی: پاسەوان ئەو کائینەی هەردەم لەدڵە راِوکێ وشەو نوخونیدایە وهەردەم دەستی لە سەرپەلەپیتکەی تفەنگەکەیەتی وقەت بەدڵی خۆی نەیتوانیەوە پشوویەک بە ویستی خۆی بدات وهەردەم ملکەچی بڕیاری بەرپرسەکەی بووە.

شیلانه‌ ... ڕووناک شوانی: هه‌موو ڕۆژێ له‌ هه‌مان کات و هه‌مان شوێندا له ‌سه‌ر سووچی کۆڵانه‌که‌یان چاوه‌ڕوانی ده‌بوو، هه‌ربۆ ئه‌وه‌ی له‌ دووره‌وه‌ چاوی به‌ به‌ژن وباڵای شاد بێته‌وه‌. شیلانه‌ نه‌یده‌زانی بۆچی له‌گه‌ڵ بینینی ئه‌ودا ده‌سته‌کانی ده‌له‌رزین و لێدانی دڵی خێراتر ده‌بوو، ئاخر ئه‌و هێشتا له‌ واتاکانی عه‌شق نه‌گه‌شتبوو، ئه‌و خورپه‌یه‌ بۆ ئه‌و نائاشنا بوو

ئێمه‌ قه‌رزاری شیعه‌کانین! ... کاوه‌ ئه‌مین: له‌ دوای ڕووخانی حکوومه‌تی به‌عس و هاتنی ئه‌مریکیه‌کان و ده‌سته‌ڵاتگرتنه‌ ده‌ستی شیعه‌کان له‌ عیراق، کۆمه‌ڵێک گۆڕانکاری باش و خراپ ڕوویانداوه‌، که‌ که‌م و زۆر کوردی باشووریان په‌یوه‌ندیدار کردووه‌. دیارده‌ خراپه‌کان، ئه‌و کوشت و کوشتاره‌ی که‌ ئه‌مڕۆ عیراقی گرتۆته‌وه‌ و تیرۆریستان ته‌ڕ و وشک پێکه‌وه‌ ده‌سووتێنن و ده‌یانه‌وێت به‌ سیاسه‌تی تیرۆر و تۆقاندن کارێک بکه‌ن که‌ که‌س له‌ ژیانی رۆژانه‌ی خۆیشی دڵنیا نه‌بێت.

نامه‌یه‌كی كراوه‌ بۆجالیه‌ی كورد له‌هه‌نده‌ران ... عه‌بدولله‌تیف ئاوماری: پێشه‌كی: كورد له‌كۆنه‌وه‌ تێنووی ئازادی بووه‌، پاش ئه‌وه‌ی زلهێزه‌ جیهانیه‌كان به‌تایبه‌تی ئینگلیزوفه‌ڕه‌نسا له‌ ڕێككه‌وتنامه‌ی سایكس بیكۆ به‌پی ی به‌رژه‌وه‌ندی باڵای خۆیان نه‌خشه‌ی ڕۆژهه‌ڵاتی ناوه‌ڕاستیان داڕشت وخاكی كوردیان وه‌كو گۆشتی خێر دابه‌ش كرده‌ سه‌ر ووڵاتانی ده‌وروبه‌ری

كێن ئه‌وانه‌ی زمانی نوسینیان شێواند؟!! ... ئیبراهیم بالیسانی: ئه‌گه‌ر ئێمه‌ چاوێك بخشێنین به‌ ناو هه‌موو ئه‌و رۆژنامه‌و گۆڤارانه‌ی كه‌ سه‌رده‌مانی زووده‌رچون وبلاوكراونه‌ته‌وه‌، زمانی نوسینی ئه‌و سه‌رده‌مه‌ زمانێكی پاراوو جوان و به‌ئه‌ده‌به‌ بوه‌. هۆكاری ئه‌و جۆره‌ شێوازه‌ له‌نوسینیش ده‌گه‌رێته‌وه‌ بۆ:ئه‌و كه‌سانه‌ی

خه‌تا خڕه‌ به‌سه‌ری كه‌سه‌وه‌ ناوه‌ستێت ... عومه‌ر عه‌بدول: ناوی هه‌ڵه‌بجه‌و كێشه‌و گرفتی هه‌ڵه‌بجه‌ییه‌كان زیاتر له‌ هه‌رشوێنێكی تری كوردستان له‌ میدیاكاندا بڵاوه‌و باس و خواسی لی ده‌كرێت، ئه‌ویش به‌زۆری دیاره‌ په‌یوه‌ندی به‌ كاره‌ساتی كیمیابارانی ئه‌و شاره‌وه‌ هه‌یه‌ له‌ ساڵی (1988) له‌ لایه‌ن ڕژێمی به‌عسی هه‌ڵوه‌شاوه‌وه‌.

هۆی چه‌وسانه‌وه‌ی ئافره‌ت له‌ جیهاندا چیه‌؟ ... ح. س. سۆران: رۆژ و شه‌و نیه‌ نووسراوه‌، هه‌واڵ و ویته‌ی سه‌ر زار، سه‌باره‌ت به‌ چه‌وساندنه‌وه‌ و جه‌زره‌به‌ی ئافره‌ت، له‌ کوردستان و جیهان دا، نه‌ خوێنینه‌وه‌ و نه‌ بیستین. یه‌کێک له‌ زه‌قترین و ناحه‌زترینیان، مه‌رگه‌ ساتی داده‌ دۆعا بو، که‌ دۆعا ده‌که‌م، ئیدی قه‌ت شه‌رمه‌ساتی وا له‌ هیچ کوێ نه‌قه‌ومێ.

 کاتێک مرۆڤ بێ کێش ده‌بێت ... م. حه‌مید عه‌زیز:  (ئازادی جوانترین ماڵ و کیشوه‌رێکه‌ که‌هه‌رده‌م بزه‌و خه‌نده‌ی ژیان له‌سه‌ر لێوی بوونه‌وه‌رانێتی مرۆڤی ئازادیش ئه‌و جیهانه‌ هۆشیاره‌یه‌‌ که‌ کێش و ڕێزی سنوره‌کانی ئازادی ئه‌م کیشوه‌ره‌ ده‌زانێت و له‌ پێناویدا بۆی ده‌مرێ و خۆشی ده‌وێت. به‌خته‌وه‌رترین کۆمه‌ڵگاش ئه‌و کۆمه‌ڵه‌ ئاده‌میزاده‌یه‌ که‌ خه‌باتی تاک و مافی تاک و

ئه‌وكاته‌ی خاتری واعیز ده‌گرن په‌تی سێداره‌ش بۆئازادی ئه‌ستور هه‌ڵده‌خه‌ن.. ئامانج عه‌بدوڵا سوور: دیمه‌نی دڵرفێن وتابلۆی ده‌ستی شێوه‌كارێك ئادگاری مرۆڤایه‌تیمان له‌لابه‌جێده‌هێلن كه‌چی ئامۆژگاری واعیزه‌كان چاوسوركردنه‌وه‌یان له‌ئاینده‌ به‌ره‌وكاسه‌تمان ئه‌بات ئاخر ئه‌ویان ئه‌مانباته‌وه‌ بۆ ئه‌وسه‌رچاوه‌یه‌ی بێگه‌ردوپاكه‌ به‌س رووی مانگی له‌نیوه‌ شه‌وی تایئه‌بینین ئه‌بێـت سوهراب ووته‌نی تكا له‌دایكمان بكه‌ین

ئه‌وانه‌ی به‌ناوی ناوداره‌وه‌ گه‌وره‌ ده‌بن و ئاره‌زووی ناوی خۆیانه‌!!.... بێستون محه‌مه‌د ساڵح مسته‌فا: لۆركا له‌ قۆناغی خۆیدا ته‌نها ناوێك بوو زۆر به‌خێرایی كۆمه‌ڵگه‌ی ئیسپانی ناسیان پشتی به‌كه‌س نه‌به‌ستبوو، تاكو بووه‌ سومبلێكی مێژوویی بۆ ئیسپانیا تا ئه‌مڕۆش له‌ ویژدانی نه‌ته‌وه‌ی ئیسپانیادا یادگاری به‌ نه‌مری و به‌ خۆنه‌ویستی پارێزراوه‌

پرسی كه‌ركوك له‌نێوپرۆسه‌یه‌كی ده‌ستوری و ئیداره‌ دانێكی پاشاگه‌رادانی بی وێنه‌دا.. مسته‌فا قایته‌وه‌نی: دوای پرۆسه‌ی ئازادی گه‌لانی عێراق پیش بینی هاتنه‌ كایه‌وه‌ی ده‌سه‌ڵاتێك ده‌كرا كه‌ بتوانێت له‌ماوه‌یه‌كی زۆركه‌می پێوانه‌یدا، باروودۆخه‌كه‌ به‌ئاراسته‌یه‌كی زۆرسه‌حراویدا بگوڕێت و نه‌هامه‌تی (35) سی و پێنج ساڵه‌ی خه‌ڵكی ناوچه‌كه‌ له‌بیرگه‌لانی عێراق بباته‌وه‌

مه‌ترسی تیرۆر ولاوازبوونی هه‌ستی نه‌ته‌وه‌یمان... چه‌ ند په‌یڤێك له‌سه‌ر كێۆماڵ كردنی سنووری حه‌مرین. له‌لایه‌ن هێزه‌كانی پۆلیس وئاسایشی كفری وگه‌رمیان.... بێباكی: تیرۆر بووه‌ته‌ په‌تایه‌كی كوشنده‌ هه‌موو گه‌لانی ئازادی خوازی دونیا پێوه‌ ده‌ناڵێنن. مه‌ترسی تیرۆر له‌سه‌ده‌ی ڕابردووه‌وه‌ ده‌ستی پێكرد له‌كاتی شه‌ڕی نیوان یه‌كێتی سۆفیه‌ت و ئه‌فغانستان

ڕۆژهه‌ڵاتی ناوه‌ڕاست به‌ پان و به‌رینی له‌ ته‌قینه‌وه‌ دایه ... مه‌هدی کاواانی: نازانم چۆنی باس بکه‌م، ڕووداوه‌کان له‌ عیڕاق له‌ نێوان شیعه‌و سوننه‌، هه‌رێمی کوردستان له‌ گه‌ڵ تورکیا له‌ ڕیگای خڕبوونه‌وی سوپای تورکی به‌ قه‌باره‌یه‌کی به‌رزه‌وه‌ له‌ سه‌ر سنوره‌کانی هه‌رێمی کوردستان، قه‌یرانی حوکم له‌ تورکیا له‌ نێوان دین و عه‌لمانیه‌کان

ئایا ئازادی هه‌مه‌لایه‌نه‌ له‌كوردستان بونی هه‌یه‌؟ ... كاكۆ عه‌بدولڵا: دیاره‌ ئازادی هه‌موو لق و پۆپه‌كانی پیرۆزن و ئارامیه‌ك ده‌به‌خشنه‌ دڵ و ده‌رونی تاك، وه‌ ئه‌و گه‌لانه‌ی ئازادیه‌كی ته‌واویان به‌ده‌ست هێناوه‌و خۆیان له‌ كۆت و زنجیری هه‌مه‌لایه‌نه‌ی كۆیلایه‌تی ڕزگار كردوه‌، ڕه‌نگه‌ خوێنێكی زۆریان له‌پێناوی ڕشتبی

تكایه‌ ئاگاداری ئه‌و دزیكردنه‌ بن... نامه‌یه‌ك بۆ هونه‌رمه‌ندان و نوسه‌رانی دووره‌ وڵات ... رزگار كۆچه‌ر: پێتان سه‌یر نه‌بێت ئه‌گه‌ر بڵێم ئێستا له‌ كوردستان رۆژنامه‌و گۆڤار ده‌ركردن سانا ترین كاره‌ كه‌ ده‌كرێت هه‌ر چوار پێنج كه‌سێك كۆببنه‌وه‌ و به‌ هاوكاری یه‌كێ له‌م هه‌موو سه‌نه‌ته‌رو گروپانه‌ گۆڤارێك یان رۆژنامه‌یه‌ك ده‌ربكه‌ن

ئێراق له‌نێوان یه‌كگرتووی و دابه‌شبوندا!!؟ ... به‌ختیارجاف: ئێراقی هه‌نووكه‌ ئه‌و وڵاته‌ فاشیله‌یه‌ گه‌ر ڕاپرسیه‌یه‌ك له‌ئاستی دابكه‌ین و به‌ وردی سه‌رنجی بده‌یت، ڕه‌نگه‌ نه‌ك بۆت ده‌رده‌كه‌وێت فاشیله‌، بگره‌ له‌ فاشیل فاشیلتره‌، چونكه‌ تا ئه‌مڕۆكه‌ سیسته‌می حكومڕانیه‌تی ئه‌م وڵاته‌ دوای پرۆسه‌ی ئازادی ئێڕاق و نه‌هێڵانی ده‌سه‌ڵاتی تاكڕه‌وی و

تەزوو (47) ... مقداد شاسواری: راگرتنی پەخشی زنجیرەیەكی تەلەفزیۆنی، یان كۆكردنەوەی كتێبێك لە بازاڕ، یان كلۆمدانی دەرگای رۆژنامەیەك، یان یاساغكردنی گۆرانییەك و، هەر شتێكی تری لەو بابەتە، لە ئەدگار و خەسڵەتە كرێت و ناشیرینەكانی سیستەمە دیكتاتۆرییەكانە و، لەم سەردەمەدا بە كارێكی شورەیی و عەیبە دێتە ئەژماردن

بزه‌یه‌ك بۆ تیرۆر ... رێبه‌ند سه‌عدوڵڵا ئه‌حمه‌د: ئه‌و به‌یانییه‌ی له‌ ماڵه‌وه‌ به‌ره‌و بازاڕ و به‌نیازی په‌یداكردنی بژێوی منداڵ و خێزانه‌كه‌ت ده‌ڕۆیت، بۆ دواجار ماڵئاواییان لێ بكه‌، وا بزانه‌ كه‌ دوا به‌یانییه‌ ده‌یانبینیت و، دواجار ماچی نێوچاو و رووی ئاڵیان بكه‌، به‌و سۆز و هه‌سته‌ی كه‌ دوا ماچ و دوا به‌گوێداچرپاندنی منداڵه‌كان و هاوسه‌ره‌كه‌ت بێت له‌ ژیانی ئه‌م دونیایه‌.

تیرۆریستن ئه‌وانه‌ی ئافره‌ت ده‌کوژن ... ئازاد ئه‌مین: هه‌زاران نه‌فره‌ت له‌ و پیاوانه‌ی که‌ له‌ پشت په‌رده‌ی شه‌ڕه‌ف ژیان له‌ مرۆڤێکی تری بێتاوان ده‌سه‌ننه‌وه‌. من له‌وه‌ گومانم نیه‌ ئه‌و که‌سه‌ی له ژێر ناوی شه‌ڕه‌ف کچ، ژن، یان خوشکه‌که‌ی خۆی ده‌کوژێ، نازانێ مانای شه‌ڕه‌ف چیه‌و پێناسه‌ی شه‌ڕه‌فیشی لا نادۆزیته‌وه‌

هۆكاره‌كانی سه‌رهه‌ڵدانی دیارده‌یی له‌شفرۆشی... هه‌ورامان علی تۆفیق: سه‌ره‌تا دوو شێوازی له‌شفرۆشی هه‌یه‌ یه‌كه‌م ئه‌وانه‌ی كه‌ به‌ویستی خۆیان ئه‌م دیارده‌یه‌ به‌كار ده‌بین، دووه‌م ئه‌وانه‌ی كه‌ به‌زۆر و به‌هۆیی داسه‌پانی چه‌ندین گرفته‌وه‌ ده‌كه‌ونه‌ ئه‌وكاره‌وه‌و ویستی خۆیانی تێدانیه‌ و ناچارده‌كرێن

دیارده‌ی له‌شفرۆشی به‌ری پێ ناگیرێ به‌ڵام به‌یاسایی ده‌كرێ ... رێبوار ئیدریس: له‌ دێر زه‌مانه‌وه‌ دیارده‌ی له‌شفرۆشی ئافره‌تان هه‌یه‌و، به‌بێ جیاوازی له‌نێو نه‌ته‌وه‌كانی دنیادا به‌دی ده‌كرێ، ئێستا له‌زۆربه‌ی وڵاتانی رۆژئاوادا به‌ یاسایی كراوه‌و رێوشوێنی تایبه‌تیان بۆ ده‌سنیشان كراوه‌، هه‌تا له‌باره‌ی كۆمه‌ڵایه‌تی و ته‌ندروستیه‌وه‌ پارێزراو بن

نەسرین... ئەو كچەی لەرۆژی بوكێنیدا جەستەی بێگوناهی بوو بە خۆڵە مێش ... بەهرەوەر مەرزانی: كۆمەڵگای كوردستان وەك یەكێك لە كۆمەڵگا دوا كەوتووەكانی رۆژهەڵاتی ناوین پڕە لەدیاردەی وا كە مرۆڤ قێزیان لێدەكاتەوە، یەكێك لەو دیاردە قێزەونانەش كوشتنی ژنان و كچانە بە بیانووی جۆراو جۆر، كەزۆربەی جاران ژیانی كچانی روو سوری ئەم نیشتمانە دەكرێنە قوربانی حەزوو ئارەزووەكانی پیاوان.

وه‌رزی كوشتنی ژنانه‌ پارێزه‌ر ... شنۆ محه‌مه‌د: له‌ به‌رنامه‌یه‌كی ته‌له‌فزیونیم پرسیارێكم ئاراسته‌ی میوانی به‌رنامه‌م كرد، سه‌باره‌ت به‌ كوشتنی دوعاو كاریگه‌ری له‌سه‌ر خه‌لك، كاكی میوان وتی؛مه‌سه‌له‌كه‌ زیاد له‌ پێویست گه‌وره‌ كرا، ئه‌مه‌ وه‌ڵامی پیاوه‌كه‌ بوو به‌رامبه‌ر به‌ دڕنده‌ترین شێوازی كوشتنی ئافره‌ت، من نازانم ئه‌م میوانه‌ تونیویه‌تی

نێچیرڤان، به‌كارامه‌یی و له‌ خۆبردوانه‌ له‌ به‌ڕێوه‌بردنی حكومه‌تدا.. . ره‌سوڵ مینه‌: به‌ڕێوه‌بردن و راپه‌ڕاندن و نه‌خشه‌دانان مرۆیه‌كی ئاقڵی ده‌وێ، ئه‌و سێ كاره‌ وێكڕا جێبه‌جێبكات.. كورد له‌دوای تێكچونی ده‌وڵه‌تی (ماد) ه‌كانه‌وه‌ وه‌ك ئه‌م چه‌ند ساڵه‌ی دوای راپه‌ڕین ئیداره‌یه‌كی وه‌های به‌خۆوه‌ نه‌دیوه‌ كه‌ به‌م شێوه‌ و چه‌ندین ساڵ درێژه‌ بكێشێت و سه‌رتاسه‌ری بێت.

قسه‌ كردن له‌سه‌ر تاقیگه‌كان وه‌همێكی به‌رجه‌سته‌یه‌ ... شیلان كه‌ریم: ئیمڕۆ له‌ جیهانی پڕوپاگه‌نده‌ و هه‌ڵخه‌ڵه‌تاندن كاتێك قسه‌ و نوسینه‌كان سه‌نگیان ده‌بێت، پشت ڕاست كرابێته‌وه‌ به‌ به‌ڵگه‌و داتا و ئاماری پێویست.

دڤێت ئه‌م هه‌می هاریکاربین کو هه‌می گونه‌هکارێن ئه‌نفالان بێنھ راكێشان بۆ دادگه‌هێ ... رزگار کێسته‌یی: مه‌ هه‌موویان ب حکومه‌ت و پارت وخه‌لك و په‌رله‌مان هه‌ول و بزاڤه‌کا مه‌زن کر کو دادگه‌ها بلندا تاوانا یا عیراقی کو تایبه‌ت ژ بۆ سه‌رانێن رژێما به‌عس هاتبوو دامه‌زراندن ئه‌نفالکرنا کوردا ب جینوساید بده‌ته‌ نیاسین و ئه‌نفالچی لسه‌ر جینوسایدێ بێنه‌ سزادان و ئه‌و بوو خۆشبه‌ختانه‌ لرۆژا

بۆ ڕای گشتی!: ماوه‌یه‌ک به‌ر له ئێستا (2007-04-29) له قاهیره‌ پایته‌ختی میسر، چه‌ند پارت و ڕێکخراوی ئێراقی و کوردستانی، هه‌روه‌ها چه‌ند که‌س و تاکی نامۆ به پرسی دیموکراتیک و ڕه‌وای کوردستان، که یه‌کێک له‌وان سه‌ر به عه‌شیره‌تی (هه‌رکی) بوو

ئه‌گه‌ر من سه‌رۆكی حكومه‌ت بم... شه‌هلا سیان: رۆژی هه‌ینی كاتیك نێته‌كه‌م كرده‌وه‌ و چومه‌سه‌ر ماڵپه‌ری كوردستان نێت و به‌مانشێته‌كانا هاتمه‌ خواره‌وه‌ له‌ مانشێتی ژماره‌ (39) دا نوسرابوو نامه‌یه‌كی كراوه‌ بۆ سه‌رۆكی حكومه‌تی هه‌رێمی كوردستان كاتیك كردمه‌وه‌ و خویندمه‌وه‌ نامه‌ی مامۆستایه‌كی به‌رێزی سه‌نته‌ری رۆشنبیریی قوشته‌په‌یه‌ من ئه‌م مامۆستایه‌ ناناسم به‌لام یه‌كجار له‌سه‌نته‌ره‌كه‌یان میوان بووم

تاکه‌ی ئاواره‌كان چاوه‌ڕووان بن؟!! ... حه‌سه‌ن سه‌ید باقی: مێژووی مرۆڤایه‌تی، له‌سه‌ر هه‌ڵدانی ناكۆكی و ململانێكانی نێوان چینه‌كان سه‌ری هه‌ڵداوه‌. له‌سه‌رتاسه‌ری دونیادا له‌ئه‌نجامی ناكۆكیه‌ ئابووری و سیاسیه‌كاندا، زۆرداری و سته‌م مرۆڤی ناچاركردووه‌ یاخی بێت. زێدی خۆی به‌جێبهێڵێت.

ڕه‌حمه‌ت له‌ كفن دز ... سه‌باح عه‌لی قاره‌مان: كاتێك كه‌ پرۆسه‌ی ئازادی عیراق چوه‌ قۆناغی جێ به‌جێكردنه‌وه‌ له‌كاتیكدا هێزه‌كانی ئه‌مریكا و هێزه‌هاوپه‌یمانه‌كانی له‌ پێشڕه‌ویدا بون به‌ره‌و به‌غداد ئه‌وه‌بو چه‌ند سه‌ربازێكی هێزه‌ فره‌ڕه‌گه‌زه‌كان له‌ لایه‌ن هیزه‌كانی ڕژێمی عیراقه‌وه‌ گیران له‌ پاریزگای ناسری و دواتر له‌شاشه‌ی تیڤی به‌عسه‌وه‌

وه‌ڵامێك بۆ كاك ده‌هام عه‌بدولباقی!! ... سه‌هین موفتی:  وا باشه‌ بۆ هه‌ر كه‌سێك كه‌ ده‌نووسێت تۆزقاڵێك به‌ ویژدانه‌وه‌ بیر له‌ به‌كار هێنانی خامه‌كه‌ی بكاته‌وه‌!!!! به‌ (عه‌شوائی) به‌ناو بابه‌ته‌كانا نه‌كه‌وێت، با سه‌رتان نه‌یه‌شێنم كاك ده‌هام له‌ نووسینێكیدا له‌ ماڵپه‌ری كوردستاننێتدا هێرشێكی ساردانه‌ی كردۆته‌ سه‌ر به‌ڕێز (نیهاد له‌تیف) قایمقامی هه‌ولێرو

وڵامێك بۆ په یامنێری 1ی كوردستان پۆست.... ڕێبوار:به پێویستم زانی كه وڵامی ئه و نوسینه ت بده مه وه بۆ ئه‌وه‌ی جارێكی تر فێری راست گۆیی ببیت و ئه‌و مێشكه‌ی كه‌ئه‌زانییاریانه‌وه‌ر ئه‌گرێت له‌كاری بخه‌یت. هه‌ر بۆیه‌ش ناوی خۆتت ئا شكرا نه‌كردوه‌چونكه‌ئه‌زانیت كه‌ئیتر له‌روت نایه‌ت بچیته‌ناو مه‌جلیسه‌وه

% ی موویه‌كیش له‌ به‌راز ببێته‌وه‌ هه‌ر باشه‌ ... عبدالله بیبانی: ئه‌مرۆ كه‌ كوردستان به‌ بارێكی ئابووری شێواودا ده‌روات كه‌ گوایه‌ بازاری ئازاده‌ یان ئابووری بازاره‌ كه‌ زۆربه‌ی زۆری ره‌ش و رووته‌كه‌ی لای خۆمان له‌و دوو رسته‌یه‌ هه‌ر ناگه‌ین و نازانین واتای چییه‌ به‌لام ئه‌وه‌نده‌ ده‌زانین كه‌ گرانی تا بینه‌ قاقای هاولاتی

ئه‌ده‌بی شاخ و ئه‌ده‌بی شار ... سه‌باح ئیسماعیل: ناو به‌ ناو ئه‌م زارازویه‌مان به‌ر گوێ ده‌كه‌وێت، وه‌لێ قسه‌ و باسی له‌سه‌ر ناكه‌ین و ڕه‌خنه‌ی لێ ناگرین، چونكه‌ ئه‌ده‌بی شاخ به‌ پیرۆز و نووسه‌رانی شاخ به‌ لوتكه‌ی هه‌ڵوێست داده‌نێن.

وه‌ڵامێك بۆ (م. عه‌ونی خۆشناو) ... دیاره‌ باوی زوڕناژه‌نین بۆ ئه‌حزاب لای ئێوه‌ هه‌ر ماوه‌ ... سه‌یران ئازاد : به‌ریزتان وه‌ڵامی خاوه‌ن وتارێكتان دابوه‌وه‌ كه‌ به‌ ڕای جه‌نابتان باشی نه‌وتوه‌ به‌و سێ پاڵه‌وانه‌ی میلله‌تی كورد (تاڵه‌بانی و نه‌وشیروان و كۆسره‌ت) . وه‌ چه‌ندین تۆمه‌تت بۆ دۆزیوه‌ته‌وه‌ به‌ڵام ئه‌ونده‌ زیره‌ك نه‌بوویت كه‌ خۆت له‌ چه‌ندین تۆمه‌ت دوورخه‌یته‌وه‌

بۆ سه‌رۆكی هه‌رێم بۆ هه‌موو بڵاوكراوه‌ كاغه‌زی و ئه‌لیكترۆنییه‌كان ... جه‌بار ساییر: به‌رێزم ئێستا تۆ سه‌رۆكی ئه‌م هه‌رێمه‌یت و منیش هاوڵاتییه‌كی ئه‌م قه‌ڵه‌م ره‌وه‌ تاقه‌ت پڕوكێنه‌ت. رێگه‌م بده‌ هه‌ندێك شتت بیرخه‌مه‌وه‌، چونكه‌ دڵنیام ده‌وربه‌ره‌كه‌ت ناهێڵن هیچتان بیربمێنێ. ئه‌وان هه‌میشه‌ باسی تێرو پڕی و بێ گرفتی ئێمه‌ بۆ ئێوه‌ ده‌كه‌ن.